Тайтгарал

Дарайтал унасан хяруун дээр хөл нүцгэн алхаж
Дарагдаж үлдсэн мөрөөн орчлонд тамгалж үлдээхэд
Газар эхийн хэвлий бүлээн илчээр төөнөж
Гал шаргал намрын өглөө дэргэд минь ирсэнийг мэднэ
Сэрүүхэн агаар зүсэх шувуудын жиргээг сонсон
Сэтгэл дүүрэн инээмсэглэж нүд гялбан зогсохдоо
Энд тэнд хөглөрсөн навчисын түмэн өнгөнөөс
Эргэх улирлын хувирлыг хураангуйлж нэг дор үзнэ