Тайтгарал

Агаарт цацагдсан үгсийн хэмнэл нь ондоо
Аялга нь огт өөр өнгө илэрхийлэн түгэж
Солиорол шүгэлсэн бодолтой нөхцсөн сэтгэл
Сохорсон бус өөр өнцөгөөс мэдрэх гэсэндээ
Чанга хөгжмийн нүргээнт аянд сэгсчүүлж
Чадал мэдэн орилоход дотор хүн баярлан
Чөтгөрийн гүнжтэй дарс сөгнөн тулгахад
Чөдөргүй мэт авирлах сэтгэл хөөрөн догдолно
Хоромхон зуурын галзуурал төгсгөл болоход
Хоосон мөрөөдөл нүцгэн инээд хоёр хөтлөлцөн
Хонгилын үзүүр дэх бүдэгхэн гэрлийн зүг
Хорон санаагаа чирсээр сүүдэр ч үгүй одно