Тайтгарал

Хүсэлдээ шатаж бичсэн шүлгийн шад мөрүүд
Хүүхэн хонгор чиний өлмий дор чинь дэвсэгддэг
Эгэл бүсгүй чиний гоо үзэсгэлэнд чинь сөгдөж
Эвлүүлж хэдэн мөртөөр хайрын таталбар бичдэгээ
Цоргих мэт ширтэх харцанд чинь ээрэгдэн
Цохилох зүрх ховсдуулсан юм шиг булигладаг
Цомирлогоо дэлгэх анхилам цэцэгсийн үнэр адил
Цор ганцхан чи миний татах хүч байдаг
Огт юу ч үгүй нүцгэн сэтгэлийг минь хувцаслаж
Одоо ирээдүйд үргэлжлэх хайрыг надад өгсөн болохоор
Оддын тоос хийссэн сая жилийн хол байсан ч
Охин хонгор чамруу сэтгэл минь үргэлж тэмүүлдэг